Во објава на Трут соушл, Трамп додаде дека Јапонија ќе се отвори, меѓу другото, за трговија со автомобили, камиони, ориз и одредени земјоделски производи.
„Ова е многу возбудливо време за САД, особено затоа што ќе продолжиме да имаме одлични односи со Јапонија“, рече тој.
Соопштението на Трамп следеше по состанокот со главниот јапонски преговарач за царини Рјосеи Аказава, во Белата куќа во вторник, според весникот Асахи.
Весникот исто така објави дека Аказава одржал состаноци со американскиот министер за трговија Хауард Лутник и министерот за финансии Скот Бесент.
