Сè се случи вчера, за време на положувањето заклетва на новиот американски амбасадор во Индија. Трамп ја искористи можноста за неочекуван монолог за Кина, фокусирајќи се на неодамнешниот договор за извоз на ретки земни метали.
„Кина сака да нè погоди со ретки земни метали. Сега сите велат: „О, што значи тоа?“ Магнети. Ако Кина одбиеше да ни даде магнети, бидејќи има монопол врз магнетите… немаше да се произведе ниту еден автомобил во целиот свет“, рече Трамп.
Потоа тој го изнесе збунувачкото тврдење дека „никој не знае што се магнети“, пред да го пофали она што го нарече „одличен договор“ што Кина и САД го постигнаа претходниот месец.
Trump: “Nobody knows what magnets are.” pic.twitter.com/nxnLmKbFDP
— Aaron Rupar (@atrupar) November 10, 2025
Иако разговорите не резултираа со формален договор, администрацијата на Трамп се согласи да ги намали царините за одредени кинески производи што влегуваат во САД.
За возврат, Пекинг вети дека ќе ги суспендира контролите за извоз на ретки земни метали, клучни за производство на електроника и други напредни технологии, објави Јаху њуз.
Конфузијата на Трамп околу магнетите е неверојатно чудна, па луѓето на интернет имаа што да кажат за тоа.
Некои истакнуваат дека М во МРИ буквално значи магнетна. Трамп направил МРИ скенирање од сè уште неодредена причина минатиот месец.
И наставниците од основните училишта храбро се вклучуваат и велат дека знаат што се магнети, како и нивните петтоодделенци.
Јаху њуз пишува и дека друг што знае што се магнетите се научниците, како стотиците што беа отпуштени од администрацијата на Трамп претходно оваа година.
