„Со години, американските компании во периоди на пазарни нарушување се соочуваат со недостиг на стратешки важни минерали“, рече Трамп на средба во Овалната соба.
Проектот „Волт“ ќе ги заштити американските компании и работници од таквиот недостиг, додаде американскиот претседател.
Вашингтон ќе обезбеди 10 милијарди долари преку банката ЕКСИМ за купување и складирање на минералите, заедно со уште 2 милијарди долари приватно финансирање, рече Трамп. Минералите ќе бидат купени и складирани за производители на автомобили, технолошки компании и други компании, рече тој.
Банката ЕКСИМ соопшти дека го одобрил заемот вчера. Управувањето со набавките е доверено на трговските куќи „Хартри партнерс“, „Траксис Норт Америка“ и „Меркуриа енерџи груп“, изјави за Ројтерс функционер од администрацијата на Трамп запознаен со планот.
Проектот треба да ѝ помогне на американската автомобилска индустрија, а воедно да им овозможи на компаниите да ги држат потенцијалните ризици надвор од своите биланси, додаде тој. Целта е исто така да се воспостават резерви за итни случаи што треба да покријат 60 дневна побарувачка. Складирањето веќе започна, истакна тој.
