„Големо прашање е дали кинескиот претседател Си ќе ја спомене огромната поддршка и „крв“ што Соединетите Американски Држави ѝ ја дадоа на Кина за да ѝ помогнат да ја обезбеди својата СЛОБОДА од силниот непријателски странски освојувач. Многу Американци загинаа во кинеската потрага по Победа и Слава. Се надевам дека ќе бидат достојно почестени и запаметени поради својата храброст и жртва“, напиша Трамп.
„Нека претседателот Си и прекрасниот народ на Кина имаат голем и траен ден на прослава. Ве молам, пренесете ги моите најтопли поздрави до Владимир Путин и Ким Џонг Ун додека ковате заговор против Соединетите Американски Држави“, додаде тој.
Коментарите на Трамп дојдоа откако Си Џинпинг, обраќајќи се пред 26 светски лидери, вклучувајќи ги Путин и Ким, ја опиша „незапирливата“ Кина која „никогаш нема да биде заплашена од насилници“. Парадата беше искористена и за да се претстави нова генерација оружје, вклучувајќи нуклеарни ракети, ласерски системи и поморски дронови.
