„Можеби требаше да го тестираме НАТО и да се повикаме на Член 5 и НАТО да дојде тука и да ја заштити нашата јужна граница од понатамошни инвазии од нелегални имигранти, така ќе ослободиме многу агенти на граничната патрола за други задачи“, напиша Трамп на својата платформа Трут соушл.
Неговите коментари следеа по критиките дека НАТО не стои целосно зад САД, по изјавите на лидерите на ЕУ на Светскиот економски форум во Давос, Швајцарија, кои го критикуваа обидот на Вашингтон да го купи Гренланд. „Проблемот со НАТО е што ние би биле со нив 100 проценти, но не сум сигурен дека тие би биле со нас“, рече Трамп во средата.
Сепак, по учеството на 56-от годишен состанок на Светскиот економски форум во Давос, Трамп, враќајќи се во Вашингтон од Швајцарија, понуди пооптимистичка оценка.
„Се враќам во Вашингтон. Беше неверојатно во Давос. Структурата околу Гренланд се разработува и ќе биде неверојатна за Соединетите Американски Држави, а Мировниот одбор е нешто што светот никогаш порано не го видел – многу посебно“, рече тој, најавувајќи соработка со НАТО по прашањето за Гренланд.
