„Претседателот Доналд Трамп одби да одобри повеќе од 400 милиони долари воена помош за Тајван ова лето, додека се обидуваше да преговара за трговски договор и потенцијален самит со кинескиот претседател Си Џинпинг, според пет лица запознаени со ситуацијата“, објави американскиот весник.
Одлуката, која сè уште може да се поништи, означува промена во политиката на САД кон островот, кој Кина го смета за своја територија, велат изворите.
Според изворите запознаени со ситуацијата, пакетот помош што се дискутира вклучува беспилотни летала и муниција и е значително повреден од претходните.
Белата куќа му соопшти на Вашингтон пост дека конечна одлука сè уште не е донесена, објави весникот.
Пекинг го смета Тајван за составен дел од Народна Република Кина, а почитувањето на принципот „една Кина“ е предуслов за другите земји кои сакаат да воспостават или да одржуваат дипломатски односи со него.
САД се придржуваат до ова правило и не ја признаваат независноста на островот, но одржуваат блиски контакти со Тајпеј во различни области и го снабдуваат со оружје.
