На прашањето на новинарите за изјавата на Макрон дека нема да се приклучи на одборот, Трамп рече: „Дали го кажа тоа? Па, никој не го сака затоа што многу наскоро ќе ја напушти функцијата. Ќе воведам 200 проценти царини на неговите вина и шампањи и тој ќе се приклучи, но не мора да се приклучи“, рече Трамп.
Франција има намера да ја одбие поканата за приклучување кон иницијативата во оваа фаза, изјави во понеделник извор близок до Макрон.
Трамп првично предложи создавање на Одбор за мир кога го објави својот план за прекин на војната во Газа минатиот септември. Но, поканата испратена до светските лидери минатата недела опишува поширока улога во прекинувањето на конфликтите низ целиот свет.
Нацрт-повелбата испратена од американската администрација до околу 60 земји бара од членките да платат 1 милијарда долари во готово ако сакаат нивното членство да трае подолго од три години, според документ во кој увид имал Ројтерс.
Владите реагираа претпазливо во неделата на поканата на Трамп, план за кој дипломатите рекоа дека може да ѝ наштети на работата на Обединетите нации.
Во понеделник, Трамп исто така рече дека го поканил рускиот претседател Владимир Путин да биде член на мировниот одбор. „Поканет е“, рече Трамп.
