„Катар е многу добар сојузник. Израел и сите други, мора да бидете внимателни. Кога напаѓате луѓе, мора да бидете внимателни“, им рече Трамп на новинарите.
Американскиот претседател додаде дека е „многу незадоволен“ од израелскиот напад извршен во вторник во Доха, главниот град на Катар, каде што се наоѓа политичката канцеларија на Хамас.
Американските дипломати проценија дека нападот сепак нема да влијае на односите со Израел.
Катар е еден од посредниците во преговорите за прекин на огнот во Појасот Газа, каде што војната беше предизвикана од нападот на Хамас врз Израел на 7 октомври 2023 година.
Израелскиот напад, во кој загинаа пет членови на Хамас и еден член на катарските безбедносни сили, предизвика широка осуда, особено во арапскиот свет.
Катарските власти ја повикаа меѓународната заедница да „прекине со двојните стандарди“ кон Израел и да ја казни земјата.
Во Катар се наоѓа најголемата американска воена база во регионот.
