Трамп повторно изрази разочарување од потезите на Путин и верува дека Русија спроведува масовни напади врз украинските градови и цивилната инфраструктура, но територијалните придобивки остануваат минимални.
„Многу сум незадоволен од она што го прави Русија и од она што го прави претседателот Путин. Воопшто не ми се допаѓа. Убива луѓе без причина. И го прават тоа многу лошо со оглед на тоа што ставија сè на коцка. Нивната економија се урива.“
Трамп додаде дека војната што ја започна Кремљ се одолговлекува и влезе во својата четврта година, и покрај силното бомбардирање, Москва зазеде многу малку територија, а на некои места претрпе загуби.
❗️I’m very dissatisfied with what Russia is doing.
Putin is killing people for no reason whatsoever. They are doing very poorly – Trump
According to him Russia’s economy is going to hell and Russia is doing very bad. pic.twitter.com/THl6f2CGOp
— Sound of Freedom🇺🇸🇦🇺 (@warrenostegard) September 25, 2025
„Тие бомбардираат сè по ред, заземаат многу малку, ако воопшто нешто. Всушност, тие губат територија. Мислам дека тоа е многу лошо за угледот на Русија“, рече Трамп.
Тој нагласи дека „војната досега требаше да заврши“. Според него, ако беше војна на САД, тој ќе ја „завршеше за една недела“.
„Погледнете што зазедоа сега. Минатиот месец зазедоа многу малку. А вие известувавте за сите бомбардирања, за сите дронови насекаде. Деветстотини дронови за една ноќ во одредени области како Киев. И со целиот тој напор, тие зазедоа многу малку. Затоа сум многу разочаран од претседателот Путин“.
