„Доколку Иран отвори оган и насилно убие мирни демонстранти, што им е вообичаена пракса, Соединетите Американски Држави ќе пристигнат на помош. Ние сме подготвени и вооружени. Ви благодариме за вашето внимание кон ова прашање“, рече Трамп на својата социјална мрежа Трут соушл.
Немирите што го тресат Иран веќе петти ден, поради наглиот пораст на трошоците за живот, ескалираа во смртоносни судири меѓу демонстрантите и безбедносните сили. Според извештаите, најмалку шест лица загинаа, а протестите, кои започнаа во Техеран, се проширија низ целата земја. Многу демонстранти сега бараат заминување на врховниот лидер и крај на клерикалното владеење.
Полуофицијалната новинска агенција Фарс и групата за човекови права Хенгау објавија за жртвите. Според Фарс, две лица се убиени во судирите во југозападниот град Лордеган, уште три во Азна и едно во Кухдашт, градови на западот од земјата. Фарс не прецизираше дали жртвите биле демонстранти или припадници на безбедносните сили.
Protests continued well into the night inside Iran, as seen here in 1. Isfahan 2. smashing down gates of a governmental building in Fars province and 3. the seizure and burning of a Basij headquarters in Asadabad, Hamadan last night. Most significantly however in 4. Baghmalek,… pic.twitter.com/OVCRfLXwbx
— Omid Djalili (@omid9) January 1, 2026
Од друга страна, Хенгав соопшти дека двете лица убиени во Лордеган биле демонстранти, идентификувајќи ги како Ахмад Џалил и Саџад Валаманеш. Би-би-си Персија не можеше независно да ги потврди смртните случаи.
Одделно, државните медиуми објавија дека член на безбедносните сили поврзани со Иранската револуционерна гарда (ИРГЦ) е убиен во Кухдашт во среда вечерта. Сепак, демонстрантите тврдат дека убиениот човек бил нивни и дека бил застрелан од безбедносните сили. Уште 13 полицајци и членови на паравоените сили Басиџ се повредени во истата област, според државните медиуми.
BREAKING:
The city of Fasa has fallen into the hands of the Iranian people. They’re chanting “Reza Shah, bless your soul” from inside the governor’s seat of power.
Incredible.
— 𝐍𝐢𝐨𝐡 𝐁𝐞𝐫𝐠 ♛ ✡︎ (@NiohBerg) December 31, 2025
Протестите започнаа во Техеран меѓу трговците, огорчени од уште еден остар пад на вредноста на иранската валута во однос на американскиот долар. До вторник, студентите им се придружија, а незадоволството се прошири во неколку градови, каде што можеа да се слушнат антивладини скандирања. Снимките што кружеа на социјалните мрежи, автентицирани од Би-би-си Персија, покажаа улични борби и запалени автомобили во Лордеган, Техеран и Марвдашт.
Иако ова се најраспространетите протести од бунтот во 2022 година предизвикан од смртта на Махса Амин во притвор, тие сè уште не го достигнале истиот обем.
Училиштата, универзитетите и јавните институции беа затворени низ целата земја во среда. Властите го оправдаа ова со потребата за заштеда на енергија поради студеното време, но многу Иранци веруваат дека тоа бил очигледен обид за смирување на немирите. Во делови од Техеран каде што започнаа протестите, сега има значително зголемено присуство на безбедносните сили.
Претседателот Масуд Пезешкијан рече дека неговата влада ќе ги послуша „легитимните барања“ на демонстрантите. Од друга страна, главниот обвинител Мохамед Мовахеди-Азад издаде остро предупредување, велејќи дека секој обид за создавање нестабилност ќе наиде, како што рече, на „решителен одговор“.
