Имамоглу, еден од најпознатите политичари на турската опозиција и долгогодишен градоначалник на Истанбул, се товари за повеќе кривични дела, вклучувајќи формирање и водење криминална организација, примање мито, злоупотреба на положбата и изнуда.
Во истата истрага обвинети се повеќе од 400 лица, меѓу кои се наоѓаат и бројни членови на Републиканската народна партија (ЦХП).
Опозицијата го оценува случајот како политички мотивиран, бидејќи Имамоглу со години се смета за еден од најнадежните предизвикувачи на претседателот Реџеп Таип Ердоган на претседателските избори планирани за 2028 година. Критичарите тврдат дека истрагата и евентуалните пресуди имаат за цел да го спречат да се кандидира.
Имамоглу и неколку функционери на ЦХП беа уапсени од полицијата во март под обвинение за корупција. Оттогаш е во притвор, а неговото притворање предизвика масовни протести низ цела Турција. И Имамоглу и неговата партија категорично ги отфрлаат сите обвинувања, наведувајќи дека станува збор за напад врз опозицијата и демократските процеси во земјата.
