Околу дваесетина пожари, поттикнати од 16-дневниот топлотен бран, опустошија повеќе од 115.000 хектари во регионите Галиција и Кастиља и Леон во текот на изминатата недела.
„Ова е ситуација со пожари каква што не сме виделе 20 години“, изјави министерката за одбрана Маргарита Роблес за радиото Кадена СЕР. „Пожарите имаат посебни карактеристики како резултат на климатските промени и овој огромен топлотен бран“.
Firefighters battle intense flames as Spain faces one of its worst wildfire seasons in decades. Scorching heat has hampered efforts to contain 20 major fires across the country, prompting the government to deploy an additional 500 troops https://t.co/oASCtPTvza pic.twitter.com/wVpM9pe5ZS
— Reuters (@Reuters) August 18, 2025
Шпанската армија распореди 1.900 војници за да им помогнат на пожарникарите.
Автопатите се затворени и железничкиот сообраќај е во прекин во областа, како и планинарската рута Камино де Сантијаго, древна рута за поклонение по која на лето поминуваат илјадници луѓе.
Terrible forest fire in El Bierzo, León Province, Spain 🇪🇸 (17.08.2025) pic.twitter.com/P3FWXR56rb
— Disaster News (@Top_Disaster) August 17, 2025
Патот ја поврзува Франција со градот Сантијаго де Компостела на западниот врв на Шпанија, каде што се вели дека се погребани останките на апостолот Свети Јаков. Властите во регионот Кастиља-Леон ја затворија рутата во областa помеѓу градовите Асторга и Понферада, на околу 50 км оддалеченост, и им кажаа на планинарите да „не ги ставаат своите животи во опасност“.
Досега загинаа четири пожарникари.
Terrifying forest fire in Oencia, León Province, Spain 🇪🇸 (17.08.2025)
Video: Jorge Monroy pic.twitter.com/ix4r1WNLig
— Disaster News (@Top_Disaster) August 17, 2025
Министерството за внатрешни работи вели дека 27 лица се уапсени, а 92 се под истрага под сомнение за подметнување пожар од јуни.
Јужна Европа доживува една од најлошите сезони на шумски пожари во последните две децении, а Шпанија е меѓу најтешко погодените земји.
Во Португалија, во шумските пожари досега изгореа 155.000 хектари оваа година, според институтот за заштита на шумите ИЦНФ – три пати повеќе од просекот за периодот помеѓу 2006 и 2024 година. Околу половина од таа површина изгоре во последните три дена.
With temperatures above 45 °C, many parts of Southern #Europe are burning: a rare fire tornado tore through #Portugal as wildfires rage across #Spain, #Greece, #Italy, and #Turkey. Spain alone has lost 148,000 ha and displaced 9,500 people. The #pyrocene has arrived in Europe. pic.twitter.com/6Cr6oluMIS
— Peter Dynes (@PGDynes) August 16, 2025
Роблес рече дека ситуацијата веројатно нема да се подобри сè додека топлотниот бран, во кој температури стасаа до 45 степени Целзиусови, не почне да се смирува во понеделник навечер или вторник.
Топлотниот бран е трет најжежок од 1975 година, кога националната метеоролошка агенција почна да ги следи. Голем дел од земјата е под предупредувања за пожари.
