Патем, 82-та дивизија е единствената американска воена единица што може да се распореди насекаде во светот во рок од 18 часа од својата база во Северна Каролина, благодарение на способноста на таканаречените Сили за итен одговор (ИРФ).
Оваа способност беше тестирана во 2021 година кога делови од дивизијата беа испратени на Меѓународниот аеродром Хамид Карзаи во Кабул, Авганистан, за да помогнат во евакуациите откако САД ги завршија своите операции во земјата, објави Си-ен-ен.
Дивизијата има три борбени бригади од околу 4.000 војници, авијациска бригада со борбени, транспортни и товарни хеликоптери, артилериска единица, логистичка бригада и штабен баталјон.
Пешадиската дивизија е формирана за време на Првата светска војна и учествувала во неа, но била распуштена по нејзиното завршување.
Реактивирана е кратко по почетокот на Втората светска војна, а во август 1942 година станала првата воздушно-десантна дивизија на американската војска и учествувала во некои од најважните операции во војната, вклучувајќи го и истоварувањето во Нормандија во 1944 година.
Од Втората светска војна, 82-та воздушно-десантна дивизија учествувала во борбени операции во Виетнам, Гренада, Панама, Ирак и Авганистан, како и во операции против Исламската држава низ целиот Блиски Исток.
