Градоначалникот на Киев Виталиј Кличко истакна дека Германија го оставила „без зборови“ поради одбивањето да издвои значителна воена помош и да се откаже од поддршката на гасоводот Северен тек 2, додека руските трупи продолжуваат да се групираат на границата на Украина.
„Однесувањето на германската влада ме остава без текст. Министерството за одбрана очигледно не сфатило дека сме соочени со совршено опремените руски сили кои во секој момент можат да започнат нова инвазија на Украина. Каква следна поддршка ќе испрати Германија? Перници?“, праша Кличко.
Mayor of Kyiv Vitali Klitschko, former world heavyweight boxing champion, says Ukraine needs defensive weapons and expressed his “disappointment” with Germany for refusing to export arms to his country and blocking deliveries from other statespic.twitter.com/pMdZ3b8GcB
— Alfons López Tena (@alfonslopeztena) January 27, 2022
Германскиот канцелар Олаф Шолц кажа дека Германија ја поддржува Украина и дека се сложува со другите земји од НАТО во поглед на осудата на перцепираната руска агресија.
Меѓутоа, не испрати воена поддршка, а се претпоставува дека причина за тоа е германската зависност од рускиот гас.
Претходно неделава, Кличко ја обвини Германија дека ја „издала“ неговата земја поради „неуспехот да испрати помош“.
„Во Украина постои големо разочарување за тоа што сојузната влада се држи до Северен тек 2 и што не сака да испорачува оружје за одбраната“, кажа градоначалникот на Киев.
Во меѓувреме, Германија кажа дека ќе застане со другите земји од НАТО во осудата на секаква руска инвазија, а канцеларот Шолц вчера изјави дека цената која Русија би ја платила во случај на преминување на границата би била „висока“.
