Во анкетата на јавното мислење спроведена од компанијата 40дБ за весникот Ел Паис и радио станицата Кадена СЕР, Шпанците беа прашани до кој степен наведените лидери претставуваат закана за светскиот мир.
63 проценти од нив рекоа дека Трамп е голема закана. Истото го кажаа и за рускиот претседател Владимир Путин 53 проценти, за израелскиот премиер Бенјамин Нетанјаху 46 проценти, за иранскиот врховен лидер Моџтаба Хамнеи 33 проценти, за Џонг Ун 32 проценти, за кинескиот претседател Си Џинпинг 20 проценти и за претседателката на Европската комисија Урсула фон дер Лаен 9 проценти.
Кога ќе се додадат и поумерените мислења, според кои тие се „доста голема закана“, Трамп останува на врвот со 81 процент од испитаниците кои го сметаат за закана, пред Путин со 79,3 проценти и Нетанјаху со 71,2 проценти.
Левичарските гласачи во Шпанија имаат најнегативен став за американскиот претседател, но и поддржувачите на главната опозициска Народна партија на десниот центар исто така не му се наклонети.
Претходните анкети покажаа дека мнозинството Шпанци се противат на војната во Иран, која ја започнаа САД и Израел. Сега, по пет недели борби, 56 проценти се противат на продолжување на офанзивата. Околу 57 проценти од испитаниците рекле дека ја поддржуваат одлуката на шпанската влада да не ги поддржува САД и Израел воено против Иран.
