Сергеј Шојгу, секретар на моќниот Совет за безбедност на Русија и поранешен министер за одбрана, на состанок на функционери во уралскиот град Екатеринбург изјави дека бројот на украински саботажи во Русија се зголемил за 40% во 2025 година на 1.830 случаи.
„Темпото на развој на системи за оружје, првенствено беспилотни системи на дронови, и софистицираноста на методите што се користат за нивно распоредување се такви што ниту еден регион во Русија не може да се чувствува безбедно“, изјави Шојгу, цитиран од државната новинска агенција ТАСС.
Градоначалникот на Москва вчера објави дека системите за воздушна одбрана го спречиле најголемиот обид за напад врз руската престолнина во најмалку една година, соборувајќи 250 украински дронови во текот на викендот.
Руското Министерство за одбрана денес објави дека 421 украински дрон се соборени во последните 24 часа.
