Руте верува дека ситуацијата на контактната линија јасно ја покажува неефикасноста на стратегијата на Русија и огромната цена што Москва ја плаќа за незначителни напредоци на терен.
„Во Украина, Путин освојува многу малку нови територии на бојното поле, а каде што има маргинални добивки, тие доаѓаат со огромна цена. Стотици илјади Руси умираат за лудата агресија на Путин. Украина продолжува храбро да се брани, нашата поддршка им помага. Вистината е дека на Путин му снемуваат пари, војници и идеи“, рече Руте.
Тој нагласи дека токму сега е време да се зголеми притисокот врз Русија. Во овој контекст, тој ги поздрави неодамнешните најави од европските сојузници и Канада за обезбедување дополнителна воена помош за Украина, како и одобрувањето на 19-тиот пакет санкции.
„Развојот на настаните на бојното поле покажува дека нашата поддршка за Украина функционира и мора да продолжиме со неа. Мора да ја комбинираме оваа поддршка со санкции и економски притисок врз Русија“, нагласи тој.
Генералниот секретар на НАТО изрази оптимизам за западното единство, споменувајќи ги „добрите дискусии“ оваа недела во Вашингтон, Брисел и Лондон, кои, според него, укажуваат на потег во вистинската насока за завршување на војната.
На 13 октомври, Руте се потсмеваше на состојбата на руската морнарица, истакнувајќи дека поморското присуство на Москва во Медитеранот практично исчезнало.
