Ким Јо-Џонг, моќната сестра на севернокорејскиот лидер Ким Џонг Ун, за која се верува дека зборува во името на својот брат, изјави дека признава дека личниот однос меѓу Ким и американскиот претседател Доналд Трамп „не е лош“.
Но, ако Вашингтон има намера да го искористи личниот однос како начин за ставање крај на програмата за нуклеарно оружје на Северна Кореја, напорот би бил само предмет на „исмејување“, рече Ким Јо-Џонг во изјава објавена од КЦНА.
Американскиот претседател Доналд Трамп останува отворен за соработка со севернокорејскиот лидер Ким Џонг Ун за целосно запирање на нуклеарната програма на Северна Кореја, изјави вчера функционер на Белата куќа, откако Северна Кореја соопшти дека го отфрла секој обид да се оспори нејзиниот статус како нуклеарна држава.
