Дваесет и едногодишниот Александар служел во израелската војска на границата со Газа кога бил заробен од членови на Хамас на 7 октомври 2023 година.
Во понеделник, Израел ги прекина воените операции во Газа на неколку часа за да се овозможи неговата размена. Висок функционер на Хамас изјави за Би-би-си дека ослободувањето на заложниците е „гест на добра волја“ како дел од напорите за постигнување нов прекин на огнот пред пристигнувањето на американскиот претседател Доналд Трамп на Блискиот Исток во вторник.
Redemption of Hostages
Staff-Sgt. Edan Alexander, reunites with his family at the initial reception facility. pic.twitter.com/PDp8uX48ce
— Prime Minister of Israel (@IsraeliPM) May 12, 2025
Се верува дека Александар е последниот жив американски државјанин во заробеништво на Хамас.
Претседателот Трамп му честиташе на семејството за неговото ослободување.
Телевизиските снимки го покажуваат Едан Александар како насмеано ги прегрнува своите родители и браќа и сестри во израелска воена база.
Во изјава за медиумите, неговото семејство му се заблагодари на американскиот претседател, но исто така ги повика израелската влада и преговарачите да продолжат да работат на ослободување на преостанатите 58 заложници.
Redemption of Hostages:
Staff-Sgt. Edan Alexander being transferred to the IDF. pic.twitter.com/Xk0cRe47yW
— Prime Minister of Israel (@IsraeliPM) May 12, 2025
Александар е првиот заложник ослободен од Хамас откако Израел ги продолжи воените операции на 18 март по двомесечното примирје.
Во понеделник, тој беше снимен во друштво на маскирани борци на Хамас додека им беше предаван на работниците на Црвениот крст во градот Кан Јунис, јужна Газа.
Thought something looked odd in this photo of Edan Alexander’s release.
Comment when you see it.
*Clues in the comments. pic.twitter.com/qrinwVIG6g
— 🇮🇱 Am Yisrael Chai 🇮🇱 (@AmYisraelChai_X) May 12, 2025
Потоа тој беше предаден на израелските власти во Газа и пренесен во јужен Израел, каде што беше повторно обединет со своето семејство. Израелската армија соопшти дека обезбедила „безбеден коридор“ за негово ослободување.
Во видео објавено на профилот на израелскиот премиер Бенјамин Нетанјаху на мрежата Икс, мајката Јаел Александар разговара со својот син по телефон.
„Силен си. Заштитен си. Дома си“, му вели таа.
Redemption of Hostages: Yael Alexander at the initial reception facility during her first phone call with her son, Staff-Sgt. Edan Alexander:
“You are strong. You are protected. You are home. We will meet soon. I love you.” pic.twitter.com/olmgzJrnUY
— Prime Minister of Israel (@IsraeliPM) May 12, 2025
Нетанјаху го опиша враќањето на Александар како „многу емотивен момент“ и му се заблагодари на Трамп за неговата поддршка.
Тој додаде дека ослободувањето се случило благодарение на воениот притисок врз Хамас и „политичкиот притисок што го изврши претседателот Трамп“.
Нетанјаху исто така рече дека Израел има намера да ги интензивира воените акции во Газа и дека нема да има прекин на огнот.
