Во соопштението објавено на платформата Икс се наведува дека во потрагата по исчезнатите во хеликоптерската несреќа во територијалните води на земјата, „досега се пронајдени шест од седум исчезнати лица“, чија смрт е потврдена.
Се додава дека во тек е интензивна потрага за пронаоѓање на уште едно исчезнато лице, кое било во хеликоптерот.
Министерството за одбрана на Катар претходно соопшти дека хеликоптерот се урнал поради „технички дефект“ за време на „рутински“ лет.
„Катарскиот хеликоптер доживеа технички дефект за време на рутинска мисија, што доведе до негово уривање во територијалните води на земјата“, соопшти министерството.
Qatari helicopter crashes into sea, search for crew continues | TV One USA#Qatar #HelicopterCrash #AviationNews #TVOneUSA pic.twitter.com/EhAVkc6DnS
— TV ONE USA (@TV1USA) March 22, 2026
Катар не ја прецизираше природата на мисијата или бројот на луѓе во хеликоптерот, а засега не е познато дали овој инцидент е поврзан со војната на Блискиот Исток.
Катар беше цел на неколку напади од страна на Техеран од почетокот на американско-израелските напади врз Иран на 28 февруари, кога Иран како одмазда почна да возвраќа со напади со ракети и беспилотни летала врз цели во соседните земји, наведувајќи дека тоа го прави поради американското присуство.
