63-годишната Малали, поранешна главна медицинска сестра, ја презема и церемонијалната улога на поглавар на околу 85 милиони англиканци ширум светот, објави Ројтерс.
Назначувањето жена ризикува продлабочување на теолошките поделби со некои од поконзервативните гранки на Црквата во африканските земји, соопшти агенцијата.
Реформите воведени пред 11 години ѝ овозможија на жена да ја врши оваа позиција, а со тоа што стана 106-ти надбискуп на Кентербери, Малали стапува на чело на една од последните области од британскиот јавен живот што ја водеа мажи.
Одлуката беше објавена во согласност со премиерот Кир Стармер и кралот Чарлс, врховниот гувернер на Англиканската црква, а Малали го наследи Џастин Велби, кој поднесе оставка минатиот ноември.
Законот бара од надбискупот на Кентербери да се пензионира на 70 години, што може да биде една од причините зошто некои не ја сметаа Малали за водечки кандидат на изборите, заклучува Би-би-си.
