Санчез реагираше откако американскиот претседател Доналд Трамп се закани дека ќе ја прекине трговијата со Мадрид поради ставот на Шпанија во врска со конфликтот.
„Вака почнуваат големите катастрофи на човештвото… Не можете да играте руски рулет со судбината на милиони“, рече Санчез во телевизиско обраќање до нацијата.
Тензиите меѓу двата НАТО сојузници се зголемија откако Санчез го осуди бомбардирањето на САД и Израел врз Иран како неодговорно и нелегално, а потоа им забрани на американските авиони да користат поморски и воздушни бази во јужна Шпанија за офанзиви против Техеран.
Санчез вели дека светот не може да ги реши своите проблеми со конфликт и бомби, пренесе Ројтерс.
„Ставот на шпанската влада може да се сумира во неколку зборови: „Не на војната“, рече тој, додавајќи дека овој став не е неискреен, туку конзистентен.
„Нема да бидеме соучесници во нешто што е лошо за светот или спротивно на нашите вредности и интереси само за да избегнеме одмазда од некого“, рече Санчез, очигледно алудирајќи на трговските закани на Трамп.
Санчез, исто така, посочи на негативните последици од војната во Ирак – од подемот на џихадистичкиот тероризам до покачувањето на цените на енергијата – тврдејќи дека последиците од овој напад врз Иран се подеднакво нејасни и нема да доведат до поправеден меѓународен поредок.
