На новинарското прашање за неодамнешните извештаи дека Индија може да го прифати рускиот предлог за поевтина нафта, портпаролката на Белата куќа Џен Псаки кажа дека нациите треба да ја имаат предвид нивната улога во историјата при соработката со Москва за време на нејзината инвазија на Украина. Таа сепак истакна дека таквиот потег нема да предизвика економска казна од Западот.
„Нашата порака до секоја држава продолжува да биде, очигледно, да се придржува до санкциите“, кажа Пасаки, додавајќи: „Не мислам дека ова би било прекршување (на санкциите), но размислете за тоа на која страна би биле кога ќе се пишуваат историските книги за овој момент во времето. А поддршката на рускиот политички врв е поддршка на инвазијата која очигледно е со ужасен ефект“.
Jen Psaki on if India accepts Russian oil at a reduced costs: “[T]hink about where you want to stand when the history books are written in this moment in time, and support for the Russian leadership is support for an invasion that obviously is having a devastating impact.” pic.twitter.com/M8AqWaEjol
— Curtis Houck (@CurtisHouck) March 15, 2022
Коментарот на Псаки доаѓа откако двајца индиски функционери кажаа за Ројтерс дека Њу Делхи во моментов размислува за руската понуда, а еден од изворите кажа дека Индија најверојатно ќе ја прифати.
Индија одби да се придружи на САД и нивните западни сојузници во осудата на руската инвазија на Украина, воздржувајќи се од гласањето на Генералното собрание на Обединетите нации кое се одржа минатата недела.
