„Секое поместување на руското нуклеарно оружје во Белорусија би било многу провокативно и дополнително би го дестабилизирало регионот. Ја повикуваме Белорусија да ја отфрли руската политика на нуклеарна закана и заплашување“, кажа американската претставничка Од Франсис Мекернан на Конференцијата за разоружување, соопшти американската мисија.
Нејзините коментари следат откако Киев на тој форум со седиште во Женева ја обвини Москва за „кршење на сите клучни договори за разоружување“.
На референдумот во неделата во Белорусија беше прифатен нов устав со кој се одобрува нуклеарно оружје на белоруска територија во момент кога поранешната советска република дозволи разместување руски војници на своја територија.
Белорусија се откажа од нуклеарното оружје по распадот на Советскиот Сојуз во 1991 година.
Рускиот министер за надворешни работи Сергеј Лавров кажа на истата конференција претходно неделава дека Киев се обидува да набави нуклеарно оружје и додаде дека Москва мора тоа да го спречи.
