НАТО повеќепати бара од Белград да ги изведе пред лицето на правдата одговорните за нападите врз членовите на мисијата КФОР во Звечан и врз косовските полицајци во Бањска пред повеќе од две години.
„Сè уште чекаме одговорност за она што се случи во 2023 година“, изјави Руте на конференција во седиштето на НАТО во Брисел, пред утрешниот состанок на министрите за одбрана на членките на Алијансата.
Руте додаде дека тој лично, како и НАТО, е во близок контакт со српскиот претседател Александар Вучиќ.
Одговарајќи на новинарско прашање, Руте рече дека нема многу нови случувања во регионот на Западен Балкан, но дека НАТО е вклучен во Косово и Босна и Херцеговина и внимателно го следи она што се случува низ целиот регион.
Руте повтори дека алијансата ја следи ситуацијата во Босна и Херцеговина и дека „никогаш нема да прифати безбедносен вакуум“ во земјата.
