Рускиот претседател Владимир Путин во моментов одржува состанок на рускиот Совет за безбедност. Се зборува за историјата на конфликтот во Украина од перспектива на Москва. Сите учесници на состанокот, сите до еден високи руски функционери, седат на околу 20 метри од Путин.
„На сите им е јасно дека (Украина) нема да направи ништо за спроведување на пакетот мерки од Договорот од Минск… Русија направи и сè уште прави напори за мирно да ги реши сите тешки и трагични елементи во развојот на настаните, но денес сме таму каде што сме“, рече Путин на состанокот на Советот за безбедност, со кој претседава, пренесува Ројтерс.
Рускиот заменик-претседател на Советот за безбедност и поранешен руски претседател Дмитриј Медведев на состанокот зборуваше за руските граѓани од двете сепаратистички републики во источна Украина: „Тоа не се само луѓе што зборуваат руски, тоа се руски граѓани. Тоа е наш народ. Кога се американски граѓани во опасност, Американците покренуваат специјални операции“.
Дописникот на Гардијан на Твитер искоментира дека станува збор за руски државјани бидејќи Русија во последните неколку години им дели руски пасоши.
„Нашата цел, целта на денешниот состанок, е да ги сослушаме нашите колеги и да одлучиме за нашите следни чекори по тоа прашање“, рече Путин.
Николај Петрушев, шефот на рускиот совет за безбедност, на состанокот рече: „Треба да преговараме, но само со Америка. Сите други ќе го прават она што ќе им го кажат САД. Тие ја кријат својата вистинска цел – уништување на Руската Федерација.“
Putin speaking to his security council now and rattling off the history of the Ukraine conflict from Moscow’s perspective. None of them – and these are all Russia’s most senior officials – are allowed within 20 yards of him. pic.twitter.com/EnVQ5aPiNJ
— max seddon (@maxseddon) February 21, 2022
Рускиот претседател Владимир Путин изјави дека „нема изгледи“ дека некој мировен план ќе му стави крај на конфликтот во Украина.
#BREAKING ‘No prospects’ for peace plan to end Ukraine conflict: Putin pic.twitter.com/TaEXl08Ejy
— AFP News Agency (@AFP) February 21, 2022
Ако Путин одлучи да ги признае сепаратистичките републики, тоа може да доведе до испраќање руски војници во двата региони, користејќи ја тезата за независни републики како изговор да интервенира во корист на сојузниците што треба да бидат заштитени од Украина.
