Регионалните власти изјавија за државните новински агенции дека доцните ноќни експлозии што жителите ги слушнале на само 30 километри од руско-украинската граница биле дело на системите за противвоздушна одбрана.
Тие не дадоа повеќе детали.
Белгород. ПВО. pic.twitter.com/MRBrm6HDqM
— Хуёвый Москаль (@bad_moskal) April 27, 2022
На видеата споделени на социјалните мрежи се гледаат неколку бели зрака светлина на ноќното небо придружени со звуци на силни експлозии.
Експлозиите уследија по големиот пожар на депонија за муниција во Белгород во средата.
Русија ја обвини Украина дека извршила хеликоптерски напади врз друго складиште за гориво во Белгород и нападнала неколку села претходно во април.
Официјални лица во Киев ги отфрлија обвинувањата.
Советникот на украинскиот претседател Михаило Подољак не ја презеде одговорноста за нападите, но рече дека пожарите во Русија за складирање гориво и оружје се „апсолутно природен процес“.
„Ако… користите магацини во вашите региони за да ги овозможите убиствата, тогаш порано или подоцна долгот ќе мора да се наплати“, рече тој во средата.
