Улични борби денеска беснеат во Харков, вториот по големина град во Украина, откако руските сили ги пробија украинските линии. Украина и Русија се договорија во Белорусија да разговараат за запирање на конфликтот што принуди околу 300.000 луѓе да ги напуштат своите домови.
На снимка чија веродостојност ја потврди Би-би-си се гледаат група украински војници што се кријат зад ѕид, додека еден лансира ракета испукана од рамо.
Street fight in Kharkiv. Ukrainian side. pic.twitter.com/i9DvKf6oEe
— Nikolay Zhigalin (@_ZhN_) February 27, 2022
Во Харков може да се слушнат пукање од митралези и експлозии, а новинарот на Франс прес видел остатоци од запалено руско оклопно возило и неколку други напуштени возила.
„Минатата ноќ во Украина беше брутална“, рече претседателот Зеленски. „Тие се борат против сите. Тие се борат против сите живи суштества – против градинките, против станбените згради, па дури и против амбулантите“.
Украина пријави 198 цивилни жртви, меѓу кои и три деца, од почетокот на инвазијата.
Освен нападот врз Харков, кој се наоѓа во близина на руската граница, Москва тврди дека „целосно“ ги опсадила јужниот украински град Херсон и градот Бердјанск на југоисток.
Украинските власти соопштија дека цел на ноќта биле гаѓани гасовод во источен Харков и складиште за нафта во близина на главниот град Киев.
[video:https://www.youtube.com/watch?v=j_zcR5Ay5JA autoplay:0]Тврдењата не можеа да бидат независно потврдени, вели Москва тајмс.
Многу жители на Киев поминаа уште една ноќ во засолништа, но утрото беше релативно мирно.
Главниот град е морничав тивок откако огромните експлозии го осветлија утринското небо, а властите известија за експлозии на еден од аеродромите, вели АП. Само понекој автомобил се појавува на напуштениот главен булевар бидејќи строгиот полициски час од 39 часа ги отстрани луѓето од улиците. Наместо тоа, преплашените жители се стуткани во домовите, подземните гаражи и станиците на подземната железница.
[video:https://www.youtube.com/watch?v=PNHVXR90gEs autoplay:0]По напредокот на исток во градот Харков и повеќе пристаништа, Русија испрати делегација во Белорусија на мировни преговори со Украина.
