Првите експлозии и дронови беа забележани кратко по 1 часот наутро, нападите продолжија во бранови со часови. Нов, уште помоќен напад следел околу 7 часот наутро, кога руските сили лансирале десетици ракети, вклучувајќи хиперсонични ракети „кинжал“, кон главниот град.
Ukraine’s capital, Kyiv, in under a massive Russian drone and missile attack tonight.
Seen here, a Russian Shahed attack drone slams into a residential neighborhood, exploding. pic.twitter.com/z2zTHlTaaf
— OSINTtechnical (@Osinttechnical) November 29, 2025
Локалните власти пријавија штета на најмалку шест локации во градските области Свјатошински, Дњипровски, Дарницки, Шевченковски и Соломјански.
Во неколку повеќекатници се уништени становите на горните катови, додека кај други се забележани штети на пониските катови. Пожари избувнале во најмалку шест станбени згради.
Спасувачите ги пребаруваа урнатините цела ноќ. Тело на загинат маж е извлечено од под урнатините во областа Свјатошински, потврди началникот на регионалната воена администрација на Киев, Тимур Ткаченко. Градоначалникот на Киев, Виталиј Кличко, соопшти дека најмалку осум повредени лица се хоспитализирани. Меѓу повредените има и дете од областа Шевченко.
Russian attack has injured five people in Kyiv, including a child. Information keeps updating, so the number of injured might grow.
Residential buildings under Russian attack. Again. https://t.co/8PiKxwLLTf pic.twitter.com/FFNIlq84yA
— Anton Gerashchenko (@Gerashchenko_en) November 29, 2025
По утринскиот бран напади, жителите во неколку делови од градот останаа без електрична енергија. Градоначалникот Кличко потврди дека западниот дел од Киев е без електрична енергија и дека службите за итни случаи работат на отстранување на дефектите. Тој, исто така, предупреди на намален притисок на водата во зградите на десниот брег на Дњепар.
Kyiv tonight‼️ pic.twitter.com/dp0Ei6CtHZ
— Kate from Kharkiv (@BohuslavskaKate) November 29, 2025
Руските напади не ја поштедија ниту околината на главниот град. Најмалку две лица се повредени во регионот на Киев. Во градот Бровари е оштетена зграда од девет ката, а регионалниот гувернер Микола Калишник пријави штета на неколку семејни куќи и околу дваесет гаражи.
Русија редовно извршува напади врз украинските градови, честопати насочени кон цивилната инфраструктура, што резултира со цивилни жртви. Само пред неколку дена, седум лица загинаа, а беа 20 повредени во сличен напад врз Киев.
