Претходно оваа недела Кишињев, главниот град на Молдавија, ги забрани симболите „Z“ и „V“ кои претставуваат поддршка на руските трупи кои се борат во Украина, како и лентата на Свети Ѓорѓија, ознака на поддржувачите на рускиот претседател Владимир Путин, но и проруските сепаратисти во Украина.
The Parliament of #Moldova has officially banned the St. George Ribbon in the country. Displaying illegal symbols now faces a fine. pic.twitter.com/cRxftQHtRM
— NEXTA (@nexta_tv) April 14, 2022
Рускиот пратеник Алексеј Пушков ѝ се закани на претседателката Маја Санду дека нејзината земја ќе заврши „на ѓубриштето на историјата“.
„Треба да бидеме малку повнимателни кога се во прашање Русија и нејзините симболи, особено имајќи предвид дека Кишињев не може да плати за рускиот гас“, рече Пушков.
Молдавија е особено зависна од рускиот гас.
Одлуката за забрана на споменатите симболи Санду ја образложи со тоа дека придонесуваат за поделби во државата и дека местото им е на „ѓубриштето на историјата“.
Moldovan President Maia Sandu has signed the law banning the public use of the Russian imperialist St. George’s Ribbon in the country.
????
pic.twitter.com/gw9WDpaIag— Visegrád 24 (@visegrad24) April 19, 2022
Молдавија, која се наоѓа меѓу Украина и Романија, бара членство во ЕУ, но на 9 март објави дека не сака членство во НАТО, велејќи дека принципот на неутралност е содржан во уставот на земјата.
Кишињев испрати хуманитарна помош во Украина, но се воздржа од испраќање воена опрема и оружје. Со оглед на неутралниот статус на земјата, Молдавија не се приклучи на западните санкции против Русија.
