Руското Министерство за одбрана соопшти дека 694 украински борци се предале во изминатите 24 часа, вклучително и припадници на Азовскиот полк, вклучувајќи 29 ранети.
Според истиот извор, 51 ранет се сместени во болница во Новоазовск, населба под контрола на Русите и нивните сепаратистички сојузници. Од министерството не соопштија ништо за судбината на затворениците. Руското Министерство за одбрана објави и дека Русија со проектили ја нападнала областа Соледар во Доњецк во источна Украина.
Руската војска нападнала и странски платеници, уништувајќи украински авион Су-24, украински арсенал и противвоздушен систем С-300. Со ракети и топови се погодени 76 украински контролни пунктови и 421 пешадиска и артилериска позиција, вклучувајќи 147 артилериски и минофрлачки позиции.
Според руското министерство, погодена е и украинска артилериска единица со влечен топ М777 со калибар 155-мм од американско производство.
