„Сите изјави дека треба да се биде поагресивен, поофанзивен, повеќе да се пишува на социјалните мрежи за „победата“ што наводно е веднаш зад аголот, повторно претрпеа тежок пораз. Истото важи и за пристапот кон таков едностран, агресивен, напад без никаква провокација“, изјави портпаролката на Министерството за надворешни работи, Марија Захарова, во интервју за радио Спутник.
Захарова истакна дека Русија од самиот почеток инсистирала дека е потребно веднаш да се запре „агресијата“ против Иран и да се започне со „вистинско политичко и дипломатско решение“ и дека нема воено решение за ситуацијата.
Трамп објави дека се согласил да „го запре бомбардирањето и нападот врз Иран за период од две недели“. Регионалните тензии ескалираа откако САД и Израел започнаа заедничка офанзива против Иран на 28 февруари.
Иран возврати со напади со беспилотни летала и ракети врз Израел, како и врз Јордан, Ирак и земјите од Персискиот Залив каде што се наоѓаат американски воени единици. Исто така, го ограничи движењето на бродовите низ Ормускиот теснец.
