Министерот за надворешни работи Андриј Сибиха објави дека Русија ја нападнала фабриката.
Сибиха изјави на Икс дека нема загинати, но дека фабриката за производство на колачи, која веќе еднаш беше нападната, вчера повторно беше оштетена, пренесува Ројтерс.
RT wartranslated “Russia hit a Mondelez factory in Trostianets, one of the first major US investments in Ukraine FM Sybiha said. Moscow can’t push economic ties with the US while bombing American businesses in Ukraine he added. pic.twitter.com/9VMgx0fWrv“
— GMan | GMan’s Chronicle (@FAB87F) February 22, 2026
Фабриката во Тростјанец е во сопственост на американскиот прехранбен гигант Монделез.
„Кога руски ракети ќе погодат такви локации, тие не ја напаѓаат само Украина. Тие се насочени кон американските деловни интереси во Европа“, рече Сибиха.
Фабриката делумно беше повторно отворена во 2023 година по нападот една година претходно, а со производство продолжи во 2024 година.
🇺🇦🇺🇸🙏 Sybiha:
🗣️ “Today, Russia bombed yet another American business in Ukraine — the civilian Mondelez factory in Trostianets — one of the first major American investments in Ukraine’s independent economy.
A missile struck one of the production buildings. Fortunately, there… pic.twitter.com/9LcV4NMPFD
— NSTRIKE (@NSTRIKE1231) February 22, 2026
Монделез се соочи со критики за продолжување на работењето во Русија за време на војната.
Во руски ракетен напад на предградието на Киев еден човек загина, соопшти денеска Украинската служба за вонредни ситуации.
Од урнатините на уништените згради извлечени се осум лица, вклучувајќи едно дете, додаде службата, пренесува агенцијата Ројтерс.
Нападот предизвика обемна штета на инфраструктурата и пожари во пет области во предградијата на Киев: Обухив, Бровари, Бориспиљ, Буча и Фастив.
Русија, исто така, ја погоди енергетската инфраструктура во регионот Одеса, каде што избувнаа неколку пожари кои подоцна беа изгаснати, додаде службата.
