Русија во вторникот воведе лични санкции против претставници на американското раководство и лица поврзани со нив, се вели во соопштението на руското Министерство за надворешни работи.
„Како одговор на серијата досега невидени санкции со кои, меѓу другото, се забранува влез во САД на високи функционери на Руската Федерација“, се вели во соопштението на руското Министерство за надворешни работи, „Од 15 март претседателот Џо Бајден, државниот секретар Ентони Блинкен, секретарот за одбрана Л. Остин и уште 10 други се вклучени во руската ‘стоп листа’ и ќе бидат санкционирани како одмазда и им е забранет влезот во Русија“.
Министерството за надворешни работи соопшти дека ги одржува официјалните односи со Вашингтон и доколку е потребно, ќе се погрижи да има контакти на високо ниво со луѓето на списокот.
По руската инвазија на Украина на 24 февруари, многу западни земји најавија големи санкции против Русија, пред сѐ против банкарскиот сектор и снабдувањето со високотехнолошки производи. Покрај тоа, многу брендови најавија прекин на работата во земјата.
Кремљ ги нарече овие мерки економска војна како ниедна друга во историјата бидејќи нивната економија претрпе огромни удари на сите фронтови.
