Европските држави почнаа да забрануваат прелетувања на руски авиони набрзо откако Москва ја почна воената инвазија на Украина во четвртокот наутро. Вчера, претседателката на Европската комисија Урсула фон дер Лаен најави затворање на целокупниот воздушен простор на ЕУ за летови поврзани со Русија.
Русија почна воен напад против Украина на 24 февруари. Рускиот претседател Владимир Путин порача дека акцијата на Москва има цел да ја „демилитаризира“ Украина, да ги заштити луѓето во Доњецк и Луганск на истокот на Украина и да обезбеди дека Русија нема да биде под закана од НАТО од територијата на Украина.
