Русија ќе го ограничи пристапот до Фејсбук почнувајќи од 25 февруари, соопшти денеска медиумскиот регулатор Роскомнадзор, повикувајќи се на одлука на обвинителството.
Москва го обвинува американскиот технолошки гигант Мета за кршење на „фундаменталните човекови права“ со воведувањето мерки за руски профили, меѓу кои и профили на медиумите поврзани со Кремљ.
Роскомнадзор соопшти дека делумно го ограничува пристапот до Мета платформите како одговор на мерките што американскиот гигант за социјални медиуми им ги воведе на руските медиуми, обвинувајќи го Фејсбук за „цензура“.
Не беше веднаш јасно што ќе вклучуваат ограничувањата, вели Ројтерс.
Фејсбук не одговорил веднаш на барањето коментар.
