Украинскиот министер за надворешни работи Андриј Сибиха изјави дека рускиот напад врз Дњепар предизвикал истекување на сончогледово масло од објект на американска компанија, нагласувајќи дека ова покажува како руските сили ги напаѓаат американските компании.
Рускиот претседател Владимир Путин, додаде Сибиха, „целосно ги игнорира“ напорите предводени од САД за решавање на речиси четиригодишната војна.
Градоначалникот на Харков, Игор Терехов, изјави дека нападите врз неговиот град „не биле само напад врз објекти. Тоа е напад врз греењето, врз водата, врз нормалниот живот на луѓето. Тие се обидуваат да нè скршат со страв и темнина“.
Терехов не даде детали за нападнатите цели.
Канцеларијата на регионалниот обвинител на Харков соопшти дека во нападот е повреден најмалку еден цивил.
😡Russia drone-struck the “Oleina” sunflower oil plant in Dnipro—owned by U.S. company Bunge (St. Louis, Missouri)!
~300 tons of oil spilled onto city streets, closing roads for days as cleanup crews battle the mess.
This is a purely civilian facility, vital to Ukraine’s economy… pic.twitter.com/biU53YlSXG— Kyrylo Shevchenko (@KShevchenkoReal) January 5, 2026
Во Дњепар, напад врз фабриката Бунге предизвика истекување на околу 300 метрички тони сончогледово масло, изјави градоначалникот Борис Филатов.
„Вработените во комуналните услуги го чистат местото, расфрлаат песок и чакал“, напиша Филатов на Телеграм, додавајќи дека главната речна рута ќе биде затворена два до три дена поради излевањето.
A targeted Russian strike damaged a civilian sunflower oil production facility in Dnipro owned by the well-known American company “Bunge.”
This attack was not a mistake—it was deliberate, as the Russians attempted to strike this facility multiple times.
Russia has been… pic.twitter.com/KpVgDJkkPW
— Andrii Sybiha 🇺🇦 (@andrii_sybiha) January 5, 2026
Портпаролката на „Бунге“, Кристи Диксон, изјави дека компанијата ја проценува штетата во фабриката во Дњепарк и соработува со локалните власти за ублажување на последиците од нападот. Таа додаде дека нема повредени во објектот и дека компанијата е фокусирана на безбедноста на вработените и закрепнувањето на бизнисот.
Министерот Сибиха, исто така, напиша на мрежата Икс дека овој „напад не бил грешка, туку намерен, бидејќи Русите постојано се обидувале да го нападнат објектот. Русија систематски ги напаѓа американските компании во Украина“.
Од Москва немаше коментар за нападите.
