Директорот на Роскосмос Дмитриј Рогозин ги демантираше медиумските извештаи дека руските сателитски контролни центри веќе биле хакирани среде руската инвазија на Украина.
„Гасењето на сателити на која било земја е всушност „casus belli“, причина за војната“, ја цитира Интерфакс изјавата на Рогозин.
Рогозин исто така рече дека Роскосмос бара гаранции од Уан-веб со седиште во Велика Британија дека нивните сателити нема да се користат против Русија.
Без гаранции, додаде Рогозин, Русија ќе го откаже лансирањето на 36 сателити на Уан-веб од космодромот во Бајконур закажано за 4 март.
