Инцидентот се случил околу 6 часот наутро, возилото се забило во капијата, но не влегло во дворот на амбасадата.
На снимката се гледа автомобилот во пламен и безбедносниот персонал во близина.
A car crashed into the #Russian Embassy building in #Bucharest, #Romania; after the collision the car caught fire. According to local media, the driver died. pic.twitter.com/Ttwud49eqU
— NEXTA (@nexta_tv) April 6, 2022
Според полицијата, пожарникарите кои дошле на местото на инцидентот успеале да го изгасат пожарот, но возачот бил мртов.
Засега нема информации за мотивот и други детали.
Романија која има копнена граница со Украина прими повеќе од 600.000 бегалци откако Русија ја почна инвазијата во таа земја.
Од почетокот на инвазијата на 24 февруари демонстранти се собираа пред руската амбасада во Букурешт барајќи да се прекине руската агресија.
Романија вчера одлучи да протера 10 руски дипломати, по низата протерувања руски дипломати во повеќе земји од ЕУ.
