Околу 1:45 часот наутро во петокот, 15 дронови биле забележани над воената база Елзенборн, која се наоѓа на неколку километри од германската граница. Базата зафаќа 28 квадратни километри и служи како воен полигон за обука, со обезбедена област каде што се одржуваат вежби за гаѓање.
Како што објави новинар на ВРТ њуз, откритието било случајно бидејќи базата тестирала систем за откривање дронови.
Се верува дека дроновите летале од Белгија преку границата во Германија. Таму биле видени и од полицијата во малиот град Дирен, според ВРТ њуз.
Сè уште не е јасно од каде доаѓаат дроновите или кој управувал со нив. Белгиската војска го истражува инцидентот.
