Експертите за поморска безбедност потврдија дека екипажот не е повреден, пренесува Ројтерс.
Контејнерскиот брод Експрес Рим со либериско знаме пријави дека две неидентификувани ракети паднале во водата приближно 22 наутички милји (околу 41 километар) североисточно од Рас Танура.
BREAKING:
Iran has fired 2 projectiles at a container ship off the coast of Ras Tanura in Saudi Arabia near Qatar pic.twitter.com/vbeli7e2NT
— Visegrád 24 (@visegrad24) March 30, 2026
Инцидентите се случиле во период од еден час, екипажот е безбеден, соопшти британската компанија за управување со поморски ризици Вангард.
Информацијата ја потврди и Агенција за поморски трговски операции на Обединетото Кралство (УКМТО), наведувајќи дека го добила извештајот од службеник за безбедност на компанијата што е сопственик на бродот. Компанијата што управува со бродот сè уште не дала коментар.
За денешниот инцидент, сè уште никој не презеде одговорност.
Сепак, Иранската револуционерна гарда претходно тврдела дека на 11 март го нападнала токму бродот Експрес Рим, потсетува Вангард.
