Полицијата не пријави повредени или друга штета. Оштетениот авион е во сопственост на Ирак Ервејс, но бил надвор од употреба.
Ирачката државна новинска агенција јави, цитирајќи ги тамошните воздушни служби, дека нема пречки во работата на аеродромот или патничките летови.
Американската воздухопловна база позната како Камп Виктори се наоѓа во близина на багдадскиот аеродром, покрај неговата периферија.
Американските и некои ирачки официјални лица за ракетниот напад ги обвинуваат шиитските паравоени групи поврзани со Иран, кои се противат на присуството на американската војска во регионот.
Ваквите напади на багдадскиот аеродром во последните години редовно се случуваат.
