„Граѓаните на ЛНР слават национален празник под сложени околности – ја бранат својата татковина и држат оружје. Убеден сум дека со заеднички напори ќе ги заштитиме независноста, суверенитетот и територијалниот интегритет на Републиката, додека Договорот за пријателство, соработка и заемна помош потпишан на 21 февруари ќе послужи како добра основа за зајакнување на врските меѓу нашите земји“, изјави Путин.
Путин му посака здравје и успех на Пасечњик и им се обрати на сите жители на отцепената ЛНР, посакувајќи им „сила, храброст и решителност во нивната борба за помирна и посигурна иднина“.
ЛНР еднострано прогласи независност од Украина на 12 мај 2014 година, а на 21 февруари Русија го призна нејзиниот суверенитет.
