„Денес нашите војници, како и нивните предци, се борат рамо до рамо за ослободување на својата татковина од нацистичките валканици, уверени дека, како и во 1945, победата ќе биде наша“, кажа Путин во пораката испратена денес на жителите на земјите на поранешниот советски блок како и оние од бунтовничките региони на источна Украина.
„Денес заедничка должност ни е да го спречиме оживувањето на нацизмот кој нанесе толку маки на народите на разни земји“, додаде рускиот претседател, изразувајќи желба „Новите генерации да бидат достојни на сеќавањето на своите татковци и дедовци“.
Путин покрај војници ги спомна и цивилите кои дејствувале одвнатре, „а го скршија нацизмот“ без оглед на без оглед на бројните жртви.
„За жал, денес нацизмот повторно е во подем. Нашата света должност е да се спречи идеолошките наследници на поразените во Големата татковинска војна да се одмаздат“, кажа Путин во делот од говорот упатен кон Украинците.
На сите жители на Украина им посака „мирна и праведна иднина“.
Москва утре со голема воена парада ќе ја одбележи победата над нацистичка Германија. Инвазијата на Украина почна на 24 февруари, а Русија порачува дека ја води за „демилитаризација и денацификација“ на Украина.
