„Минатата година, руската воена индустрија испорача производи во повеќе од 30 земји, а девизниот приход надмина 15 милијарди долари“, рече Путин на состанокот за воено-техничка соработка во Кремљ, одржан преку видео врска.
Тој оцени дека секторот работи во „сложени услови“. „Притисокот од западните земји не само што остана, туку и се засили, со цел забавување или блокирање на деловните врски со Русија. Но, и покрај овие обиди, нашите извозни договори генерално доследно се почитуваа“, рече Путин.
Тој особено го истакна интересот на африканските земји за руска воена опрема. „И покрај притисокот од Западот, африканските партнери покажуваат подготвеност да ги прошират односите со Русија во воената и воено-техничката сфера“, рече тој.
Во последниве години, Русија интензивно ги зајакнува врските со голем број африкански држави, вклучувајќи ја и воената соработка. Во 2018 година, Централноафриканската Република ангажираше руски платеници од групацијата Вагнер за борба против бунтовнички групи, а новоизбраниот претседател Фаустен-Арханж Туадера го покани Путин на официјална посета овој месец.
Во меѓувреме, Москва ги продлабочи односите со воените власти во Мали и Буркина Фасо.
