Претседателот Владимир Путин ги стави силите за нуклеарно одвраќање на земјата во „специјална“ готовност, објавувајќи го потегот за време на состанокот со рускиот министер за одбрана Сергеј Шојгу и началникот на Генералштабот Валериј Герасимов.
„Западните земји не само што преземаат непријателски акции против нашата земја во економската област. Зборувам за нелегитимните санкции за кои на сите им е добро познато. Но првите луѓе на водечките земји на НАТО даваат и агресивни изјави и против нашата земја“, изјави Путин.
Putin: “Western countries aren’t only taking unfriendly economic actions against our country, but leaders of major Nato countries are making aggressive statements about our country. So I order to move Russia’s deterrence forces to a special regime of duty.” pic.twitter.com/AC1yHncqZc
— max seddon (@maxseddon) February 27, 2022
Руските сили за одвраќање вклучуваат различни стратегиски оружја, нуклеарни и конвенционални, кои може да се користат и за одбрана и за напад. Според руската воена дефиниција, силите се дизајнирани „да ја одвратат агресијата против Русија и нејзините сојузници, како и да го поразат агресорот, вклучително и во војна со употреба на нуклеарно оружје“.
