Напаѓачот убил 10 луѓе, а полицијата го убила него.
Чешката телевизија јавува дека во масакрот биле убиени 11 лица, меѓу кои и напаѓачот. Најмалку 24 се повредени.
Пукањето се случило на Филозофскиот факултет на Карловиот универзитет, како што потврди и портпаролката на тој факултет, но не даде подетални информации. На снимката од местото на настанот се гледаат луѓе како со кренати раце истрчуваат од зградата на Филозофскиот факултет, опкружени со полицајци.
Според чешката агенција Акту, напаѓачот користел долго оружје со оптика.
— Josef Otta (@meny1337) December 21, 2023
Полицијата е на терен. Целиот плоштад Јан Палах и неговата околина се целосно блокирани, соопшти полицијата. На терен се и многубројни спасувачки екипи.
„Апелираме до граѓаните да не се задржуваат во непосредна близина и да не ги напуштаат своите домови. Интервенцијата на полицијата продолжува“, апелираше полицијата.
Луѓето на социјалните мрежи пишуваат дека „имало многу пукање“.
Вработените со мејл биле предупредени да се забарикадираат
Според еден од предавачите на Филозофскиот факултет, студентите и вработените попладнево добиле електронска пошта да се забарикадираат.
Сличен мејл добиле и вработените во Уметничко-индустриското училиште, кое исто така се наоѓа на плоштадот Јан Палах.
„Останете каде што сте, не одете никаде. Доколку сте во канцелариите, заклучете ги и поставете парче мебел пред вратата. Исклучете ги светлата, напаѓачот најверојатно е на четвртиот кат од зградата на плоштадот Јан Палах“, стои во мејлот што е испратен.
Currently stuck inside my classroom in Prague. Shooter is dead, but we are waiting to be evacuated. Praying to make it out alive.
Locked the door before the shooter tried to open it. Fucking hell. pic.twitter.com/wYyhOe5U6p
— Jakob Weizman (@jakobweizman) December 21, 2023
