„Побаравме од КФОР да го затвори воздушниот простор за Русија. Командантот на КФОР ни кажа дека заедно со НАТО го разгледува нашето барање. КФОР и Соединетите Американски Држави ни ветија дека нашето барање ќе биде сфатено сериозно“, кажа косовската министерка за надворешни работи Доника Гервала.
Таа, во однос на безбедносната ситуација, наведе дека нема знаци дека Косово е блиску до оружен судир со кого било, пренесуваат косовските медиуми.
Додаде и дека во текот на оваа недела ќе биде донесена одлука за прием на 5.000 украински бегалци.
