Ова ново оружје е надградена верзија на балистичката ракета „тајфун“ со краток дострел, првпат тестирана во 2022 година.
Првата верзија на ракетата „тајфун“ е долга околу 6,5 метри, малку повеќе од 60 сантиметри широка и тежи околу 2300 килограми. Новата варијанта „тајфун блок-4“ е долга околу 10 метри, близу еден метар во дијаметар и тежи околу 7.200 килограми.
Köklerinden doğan güç: #TAYFUNBlok4 🚀🇹🇷
Power born from roots: #TAYFUNBlock4 🚀🇹🇷 pic.twitter.com/77deKMEMPx
— ROKETSAN (@roketsan) July 25, 2025
Носи повеќенаменска боева глава способна да неутрализира системи за воздушна одбрана, командни центри и клучна инфраструктура на растојание до 800 километри. Турција планира да развие варијанти на ракетата со дострел од повеќе од 1.000 километри, според турските медиуми.
Компанијата Рокетсан, која ја разви ракетата, објави: „Тајфун блок-4 постигнува долг дострел и со тоа поставува нов рекорд за турската одбранбена индустрија. Со тежина од повеќе од 7 тони, овој нов модел на „тајфун“, со повеќенаменска боева глава, е способен да уништи бројни стратешки цели – како што се системи за воздушна одбрана, командни и контролни центри, воени хангари и клучни воени објекти – на голема оддалеченост.“
🚀 ROKETSAN tarafından geliştirilen Türkiye’nin ilk hipersonik balistik füzesi TAYFUN BLOK-4, IDEF 2025’te tanıtıldı https://t.co/ojZ4CgVwNt pic.twitter.com/hIX8jgpJnQ
— Anadolu Ajansı (@anadoluajansi) July 22, 2025
Ракетата беше претставена минатата недела на отворањето на 17 Меѓународен саем за одбранбена индустрија (ИДЕФ) во Истанбул. На саемот учествуваа повеќе од 900 турски и 400 странски одбранбени компании, заедно со официјални делегации од повеќе од 100 земји.
