„Сите елементи на злосторство против човештвото се присутни“, рече судијата Голам Мортуза Мозумдер, додавајќи: „Одлучивме да изречеме само една казна: смртна казна.“ Обвинетата е во егзил во Индија и постојано ги негира обвиненијата.
На крајот од судењето, судиите ја прогласија за виновна по неколку точки од обвинението за злосторства против човештвото, вклучително и поттикнување и нарачување убиства, според пресудата. Земјата во која веќе има интензивна политичка напнатост и е фокусирана на парламентарните избори закажани за три месеци, одлуката на судот беше со нетрпение очекувана.
Полицијата во главниот град е во состојба на зголемена готовност и е распоредена во голем број за да спроведе строги проверки околу судницата и на сите клучни локации во градот, пишува АФП.
Обвинител минатиот месец побара смртна казна за Хасина. „За едно убиство, смртната казна е стандардна. За 1.400 убиства, таа ја заслужува 1.400 пати. Таа е закоравен криминалец и не покажа никакво каење за својата бруталност“, им рече тој на судиите.
Хасина во октомври разговараше со неколку странски медиуми за да ги отфрли „сите“ обвинувања против себе, кои ги смета за „неосновани“.
Во јули и август 2024 година, антивладините протести што ја принудија да ја напушти земјата по 15 години на власт резултираа со најмалку 1.400 смртни случаи, според ОН, од кои повеќето цивили.
